Nima uchun bolaning axlati yashil bo’ladi?
Ushbu xabar allaqachon 6581 marta o`qilgan!
Oilada bola paydo bo’lishi bilan hatto chaqaloq axlati rangining odatdagidan o’zgarishi ota-onalarda ko’plab tashvish va savollarni tug’diradi. Boladagi yashil axlat normalmi yoki tashvishlanishimiz asoslimi? Keling, buni birgalikda tahlil qilamiz.
Axlat qanday ko’rinishga ega bo’lishi kerak?
Najas odatda jigarrang rangga ega, chunki ularning tarkibida safro mavjud (jigar chiqaradigan jigarrang-yashil suyuqlik). Jigarrang axlat odatda jigar va oshqozon osti bezining to’g’ri ishlashini va hazm qilish uchun yetarli miqdorda safro ajratilishini anglatadi.
Nima uchun axlat yashil rangga aylanishi mumkin?
Umumiy sabab bu chaqaloq ovqatlanadigan ba’zi oziq-ovqatlar, masalan, bargli ko’katlar. Ba’zida bu diareya yoki bakterial infektsiyalar bilan ham bog’liq bo’lishi mumkin. Umuman olganda, bolalardagi yashil axlatining sabablari boshqacha bo’lishi mumkin – bu turli omillarga, shu jumladan bolaning yoshiga bog’liq.
Oziqlanish
Bolaning axlati yashil rangga aylanishining asosiy sababi ovqatdir. O’z ichiga xlorofill olgan mahsulotlar barcha yashil o’simliklarda uchraydi va yashil rangga bo’yalishi mumkin. Sun’iy oziq-ovqat rangi xuddi shunday samarani beradi.
Mahsulotlar, ushbu mahsulotlardan foydalangandan keyin bola axlati yashil rangga aylanadi:
– bargli ko’katlar (ismaloq, karam, salat va boshqalar)
– shirinliklar, tortlar va sun’iy yashil bo’yoq ishlatilgan boshqa shirinliklar
– o’z ichiga temir olgan oziq-ovqat qo’shimchalari.
Diareya
Bu axlat rangi tez-tez o’zgartirib turadigan “aybdori”. Diareya bilan ichakdagi suv va elektrolitlar tarkibi o’zgaradi va axlat odatdagidan tezroq ovqat hazm qilish tizimi orqali o’tishni boshlaganda, ko’pincha bu uning yashil rangga bo’yalishiga olib keladi.
Bolalarda diareyaning ba’zi keng tarqalgan sabablari:
– norovirus
– rotavirus
– salmonellalar kabi bakterial infektsiyalar
– ba’zi dorilar, masalan, antibiotiklar
– kofein
– ovqatdan zaharlanish.
Boladagi surunkali diareya ichakning yallig’lanish kasalliklari, Kron kasalligi, yo’g’on ichak ta’sirlanishi sindromi, oziq-ovqat allergiyalari, gipertireoz va boshqa kasalliklar haqida xabar berishi mumkin.
O’z-o’zidan, chaqaloqlarda yashil axlat norma hisoblanadi, ammo agar diareya bilan birga bo’lsa, bu bola uchun juda xavflidir. Dunyo bo’ylab diareya 5 yoshgacha bo’lgan bolalar o’limining ikkinchi sababi hisoblanadi, chunki bu davrda xavfli holat – suvsizlanish rivojlanishi mumkin.
Chaqaloqlarda yashil axlat
Go’daklar va 1 yoshgacha bo’lgan bolalarda yashil axlat norma hisoblanadi.
Amerika Pediatriya Akademiyasi (APA) ma’lumotlariga ko’ra:
– Ko’krak suti bilan boqiladigan chaqaloqlarda axlat odatda xantal-sariq rangda bo’ladi. Bundan tashqari, unda turli xil yashil soyalar bo’lishi mumkin. Najasning rangi onaning ratsionidagi o’zgarishlar bilan o’zgarishi mumkin.
– Sun’iy aralashmalar bilan oziqlanadigan chaqaloqlarda axlat jigarrang yoki yashil soyali sariq rangga ega. Ba’zida najas odatdagidan ko’proq yashil rangga aylanadi.
Katta yoshdagi bolalarda yashil axlat
Bolalar qo’shimcha ovqat yeyishni boshlaganda, oziq-ovqat ko’proq yashil axlatning “aybdoriga” aylanadi. Agar bola sog’lom bo’lsa va tashvishlanish uchun boshqa sabab bo’lmasa, ota-onalar ichni bo’shatishning yashil rangi haqida tashvishlanmasliklari kerak.
Shifokorga murojaat qilish kerak, agarda:
– bolaning axlati rangsizlansa, deyarli oq rang – bu jigar, o’t pufagi yoki oshqozon osti bezi bilan bog’liq muammolar mavjudligini anglatishi mumkin .
– axlat juda to’q rangda. Bu bir necha kunlik chaqaloqlar uchun normaldir. Ammo katta yoshdagi bolalarda juda to’q rang axlat oshqozon-ichak traktidan qon ketishi belgisi bo’lishi mumkin.
– bolada diareya va quyidagi belgilardan har qaysi biri mavjud bo’lsa:
- suvsizlanish belgilari
- bir kundan ortiq qusish
- tana harorati 38°C dan yuqori
- bola ovqatlanishdan bosh tortsa.
Diqqat! Agar siz bolaning axlatidagi qonni sezsangiz – unga shoshilinch tibbiy yordam kerak! Shunday qilib, yashil axlat normaning bir variantidir, ayniqsa yosh bolalar uchun. Shuning uchun, agar bola o’zini yaxshi his qilsa (ovqatlanish, uxlash, vazn yig’ish va boshqalar) – tashvishlanish uchun hech qanday sabab yo’q! Sog’lom bo’ling!
KinderKlinik.ua dan tarjima: Jasur Hikmatov
